[Photos] Patuloy na umaarangkada ang Duterte’s Kitchen!

Yes! Patuloy na umaarangkada ang Duterte’s Kitchen(DK) sa Cubao, Quezon City na naghahain ng masusustansyang pagkain, hindi lamang sa mga batang lansangan kundi maging sa mga matatanda rin at mga Pinoy na nagugutom at walang pambili.

Ang Duterte’s Kitchen, na nasa pagitan ng MRT Cubao at Farmers’ Plaza, ay binuksan sa pangunguna ni House Speaker Pantaleon Alvarez sa pamamagitan ng Partido Demokratiko Pilipino-Lakas ng Bayan.

Ito’y naglalayong makapagbigay ng pagkain sa 50 hanggang 70 bata at matanda mula agahan, tanghalian hanggang hapunan. Lugaw at tsamporado ang karaniwang inihahain tuwing umaga, samantalang isda, gulay, adobong manok at baboy naman tuwing tanghalian at hapunan. 

Ngunit makikita sa Facebook page ng DK na marami na ang nagbahagi ng blessings kaya’t patuloy na lumalago ang  adbokasiya ng DK!

Kung saan-saan nanggagaling ang mga “good samaritans” na naniniwala sa kabutihan ng gawain ng Duterte’s Kitchen!

Kapuna-puna rin na hindi lang pagkain ang ibinibigay ng Duterte’s Kitchen. Isa rin itong “family center” kung saan tinuturuan ang mga bata na makapagbasa at binibigyan ng inspirasyon ng iba-ibang personalidad.

Pawang mga volunteers ang nagsisilbi sa naturang proyekto at minsan ay bumibisita rin ang iba pang nais makibahagi sa kanilang mabuting gawain.

Kamakailan ay bumisita si Ms. Philippines-Earth 2016 Loren Mar Artajos at ang kanyang kasamang runners-up sa pagturo sa mga bata ng wastong pangangalaga ng ating kapaligiran sa pamamagitan ng limang R —-  Rethink. Reduce. Reuse. Recycle. Respect.










Source: kickerdaily